尋晚同舊同事兼朋友去咗九龍城食泰國嘢吹水聚舊
飲飽食醉過後大約十時多
朋友是有車階級,但家住港島,交情亦未至於小貓可以厚顏地叫人家當柴可夫司機
於是車緩緩駛向土瓜灣嘅時候,小貓響車上忽然看到一個75X嘅巴士店,當然是二話不說要下車
朋友話:「呢個站太暗,附近又是墳場,如果你要下車,不如我陪你等車吧!」
只是把車泊在巴士站附近下車再陪我等車...會唔會有點兒奇怪?
於是最後折衷辦法,就係車上去樂富有個有好多人燈火通明嘅站...
呢件其實真係算得上係一件小事,但係令人好窩心,覺得被重視being care of...
我成日覺得,有啲男仔成日話自己明明人又唔差,樣又唔差,點解硬係無女仔鍾意
原因係,好多女仔都會欣賞啲有gentlemen風度嘅男仔,而呢啲gentlemen唔單止係對住心儀女仔,而係對住同性異性朋友仔都會
當然,有人話,做朋友,casual啲無乜所謂啦; 但係
1. 見微知著
2. 好多拖友都係又朋友開始...
同理所證,女仔都係...一啲小事,可能已經影響咗一個朋友對你嘅觀感
而呢個朋友,可能成為你嘅potential戀人,或者係媒人....
