有不少人會覺得小貓身型纖瘦,其實呢個係一個假象...
我嘅真身,其實是一個橡皮人...
每逢冬天,為不負"邊爐Queen"之名,一個星期最少會有三日響火鍋店出現,家中亦長備足夠二人份量的邊爐食品;小貓嘅拿手小菜醉雞窩,亦是火鍋菜式....
所以,通常10磅冬天脂肪儲備走唔甩
於是踏入春夏,又要開始減肥之旅,除了大量運動,今年附加食材是麥皮
老實說m從學生時代就唔太喜歡吃麥皮,口感很差
吃完一碟,飽嘅感覺十足十,"吃"嘅滿足感一分都不夠,吃個兩三天保證反胃
及至加入O記,肥仔阿哥成天嚷著要減肥,另一個同事當時又將嫁為人婦,於是有一段時間發起"麥皮當午餐"運動,小貓亦曾經被逼陪食;但係一個是雞湯撈麥皮,另一個更衰,煉奶溝麥皮,減磅成效當真有待商榷,結果最後阿哥吃了一個星期就宣告陣亡,反而新烺子真係捱到大婚,但她一直都係咁瘦,麥皮效用成疑...
今年年頭公司接了一個麥片產品,之後在公司pantry開始出現啲麥皮呀,塞米片咁樣
順手執咗兩包返屋企食,又幾好味喎...於是大概四月就開始日日食
而家我屋企有冬菇雞味啦,有魚味啦,有蟹王味啦,仲有綠茶味,之前試過粟米味都唔錯,maple suger同朱古力味就麻麻地(可能我都係偏好食咸麥皮....);蟹王味好食到無朋友,仲有蟹肉口感,之前響公司食過之後一直買唔到,上星期見到PK有,即刻入咗五大包(total 50小包)
食咗麥皮一輪,究竟有無效?
其實我覺得有,第一件事係,朝朝早都"排清毒素身體好"
另外,就係我發覺食咗麥皮之後食量係會細咗(食少少就開始飽),同埋無咁食到肥膩嘢
做早餐係唔錯嘅選擇,不過如果你叫我晚餐食...我一定會話NO WAY囉
