今日發生咗一件小事,令我忍唔住要寫返兩句

先說前因,始於七月中,話說小貓俾白雪公主上身,對蘋果情有獨鍾,立心要買"歪風"
咁之前3年又3年,小貓都一直係3嘅忠實客戶,而3為咗助長"歪風",不惜以優惠價吸納新客; 但係最可惡嘅居然係舊客要捱貴機價,個plan除精有笨,咁小貓當然係心生不忿啦; 多次打去客戶服務部都不得要領, 一心打算cut台扮新客,而3嘅客戶服務有位哥仔,忍唔住同我講咗啲short cut....

原來,你有張梁計我都有過牆梯,7日可以舊客變新客,嘿嘿...
於是小貓二話不說,立刻實行

第二件事轉台去中移動,唔簽contract,現兜兜俾咗50大元一個月月費,三日後成功轉台; 即日再到3申請轉台加買機,用咗大概7日中移動,成功再次成為3嘅新客戶...


以上號都唔係重點

重點係,上星期嘅一張由中移動記出嘅賬單,當中列明8月份的交費為港幣13大元...且慢,7月底已經成經轉台,何來13蚊消費?當下殺落中移動興師問罪

面對小貓一臉怒氣,門市sales不敢造次,解釋可能是7月的SMS或者MSN的後補收費,但承諾會把查詢轉回公司再詳細調查; 其實到此,小貓已經被徹底安撫,也樂於從口袋中掏錢交費, 但既然他們要查,就讓他們查吧

剛才收到他們客戶服務部電話, 有禮地說明來意,並解釋使用期內13大元當中有22個誇網msg, 合共收費11大元,而兩蚊雞,則是MSN mobile嘅費用...but....我真係無用過MSN mobile喎, 客服哥哥話會再查,並且只會先收11蚊,更提醒小貓響新流動電話供應商的新賬單中,亦需要留意此款項

最後,小貓要求補發更新賬單,但被拒絶,理由合理,因為月結單一月只出一次,但由於小貓不再是他們的客戶所以不能補發; 這個原也沒問題; 只是客服哥哥多補一句

為咗令你放心,我會俾底個檔案number,你幾多號去交錢就得,有問題都可以搵返我,我係XXX部X先生...難得咁有交帶,收線前仲要道歉,再補多句"希望第日有機會黃小姐可以再選用我哋嘅服務...嘩, 咁好招呼,如果我唔係用緊"生滋",實回頭啦...

我覺得啲3呀,123呀,要同國貨學下嘢囉...